الفول .. نعمة من عند ربنا يا رب احفظها من الزوال غني بالبروتين والألياف والحديد وفيتامين بي.
الفول مهم للوقاية من مرض السكر حيث إنه يحتوي علي نسبة بروتين نباتي عالية جداً وفيه نسبة ألياف عالية جداً و فيه نقطة مهمة جداً ينشط هرمونات الجهاز الهضمي الأنسولين وبنشط 3 هرمونات شبع هرمون اسمه جي إل بي 1 و احنا بنستخدمه دلوقتي في علاج السكر، هرمون تاني و اسمه بي واي واي و ده هرمون مهم جداً لقفل الشهية، و هرمون تالت اسمه اميلين.
الفول مهم للوقاية من جلطات القلب وتصلب الشرايين ويخفض الكولسترول، الألياف الموجودة في الفول ومضادات الأكسدة تقي من السرطان، الوقاية من وعلاج التهابات الأعصاب، الوقاية من وعلاج الأنيميا، إضافة زيت الزيتون الطازج والبيض والليمون والكمون تزيد من فوائد الفول.
هتقول لي بيرفع مستوي يوريك اسيد وبيعمل نقرس حاقول لك ( قال تعالي: كلو واشربوا ولا تسرفوا) هتقول لي عندي حساسية منه حاقول لك حظك بقي شوف البدائل زي اللوبيا والفاصوليا والحبوب الكاملة .
اللهم أدم علينا نعمة الفول.
#ما_تزعلوش
