بقلم: محمود الغايش
تخيل جزيرة ممنوع تقرب منها، مش بس لأنها بعيدة أو خطر التنقل ليها، لكن لأن كل خطوة فيها ممكن تكون الأخيرة… دي جزيرة “سينتينيل الشمالية”، أغرب وأخطر جزيرة ممكن تزورها في العالم. موجودة في خليج البنغال وبتتبع الهند اسميًا لكن الحقيقة إن الحكومة الهندية عاملة منطقة حظر حولها وبتمنع أي شخص يقرب منها بمسافة أقل من 5 كيلومتر، وكل ده ليه؟ عشان الناس اللي عايشة هناك قبيلة بدائية معزولة عن العالم بقالها أكتر من 60 ألف سنة بيرفضوا أي تواصل مع الحضارة، وبيهاجموا أي حد يقرب، سواء كان صياد تايه أو مستكشف
فضولي، حتى طيارة الهليكوبتر اللي راحت بعد تسونامي 2004 علشان تتأكد من سلامتهم، ضربوها بالسهام من فوق الأشجار القبيلة دي ما بتتكلمش أي لغة معروفة ومافيش حد قدر يفهمهم أو يتواصل معاهم ورفضهم التام للحضارة
فضولي، حتى طيارة الهليكوبتر اللي راحت بعد تسونامي 2004 علشان تتأكد من سلامتهم، ضربوها بالسهام من فوق الأشجار القبيلة دي ما بتتكلمش أي لغة معروفة ومافيش حد قدر يفهمهم أو يتواصل معاهم ورفضهم التام للحضارة
بيخليهم آخر مجتمع فعليًا منفصل عن العالم بالكامل في كوكب الأرض لدرجة إنهم مش عارفين بوجودك أصلاً ولو عرفوا مش هيكون عندهم أي اهتمام، حياتهم بدائية جدًا وبيعيشوا على الصيد والأسماك والنار لكن مش معروف هما عرفوا يولعوا النار إزاي أصلًا لو حاولت تروح مش بس بتخاطر بحياتك لا كمان ممكن تتحاسب قانونيًا لأن زيارتك ممكن تسبب كارثة،
لأن مناعتهم ضعيفة وأي فيروس بسيط بالنسبة لنا ممكن يفنيهم بالكامل الجزيرة دي بتمثل لغز حي ومرعب في نفس الوقت، فيها حياة بتقول لأ للتطور وللسوشيال ميديا وللأجهزة والتكنولوجيا، وفيها بشر قرروا يفضلوا زي ما هما…
زي ما كانوا من آلاف السنين الجزيرة دي مش بس غريبة الجزيرة دي درس، في عز انفتاح العالم ولسه فيه مكان بيقول: اخرج برا وسُيبنا في حالنا .
