يوميات امراة مطحونة في كوكب المواعين الشقيق
كوكب_المواعين_الشقيق
الأم : يلا يا سوسو ياحبيبتي قومي عشان نتسحر يلا يا قلب ماما السحور بركة
سوسو : عاوزة انام شوية كمان يا ماما
الأم : يلا بقا بلاش كسل فين بنوتى الحلوة اللي هتقوم تعمل السحور واجدع طبق فول 😂😄
سوسو :ماشي يا ست ماما من عونيا بس المواعين على مين 😂😂
الأم : على سوسو طبعا 😛😛
سوسو :ههههه اه ياني حاضر
سوسو تقوم وتدخل المطبخ
وفي هذه الأثناء استاذ طبق بيراقب الوضع
سوسو ايديها بتخطف طبق صيني افندم الكبير عشان تعمل فيه الفول العظيم
طبق صيني افندم الكبير : لا لا يا بنت انتى اتركي حظراتنا احنا اطباق بشوات كبار من عائلات صين افندم الكبير انا مش يتحط فيا فول مهروس وزيت وليمون أمان ربي امااان
اوووف انتي بنت سوسو اتركي أذان حظراتنا اتركينا لا نريد بهدلات وزفلاطات ولقيمات و10 ايد تضرب حظراتنا اه ياربي
استاذ طبق : معلش يا طبق صيني افندم الكبير انا في الاستعداد لخطة للقضاء على عمليات الإهانة اليومية لينا من بنى البشر وخاصة الاكلات العجيبة بتاعتهم الواحد ببحس انه جاله حساسية من كتر الفول والزبادي في السحور 😂😂
سوسو : وادينا اتسحرنا والحمدلله ونوينا الصيام لله
بس هعمل ايه بقا في مشكله كل يوم بتاعت المواعين دي
ياربي امتى بقا المواعين دي تموت بقا اهئ اهئ هيه هغسلهم بقا وامري إلى الله واجدد النية
عشان اخد الثواب ان شاء الله
طبق افندم الكبير :ايون بنت سوسو انتا اغسل حظراتنا كويس حظراتنا اتبهدل خالص وربنا 😂 وريحتنا بقيت فووول أرجوك يا بنت زود صابون عشان حظراتنا انضف وابقى تمام تمام
استاذ طبق : يا استاذ مجانص حلة الضغط انت يا مجانص
حالا اعملي انذار الاستعداد وأعلن حالة طوارئ عندنا اجتماع مهم جدا بخصوص عزومة بكره
استحالة نقبل كل مرة بكده احنا لازم نحتل كوكب البشر ده ايووون احنا مواعين يعني ككائنات ذاتية التكاثر يعني هنحتل كل بيت لبني البشر وهيشوفو انتقام المواعين
يلا أجمعهم حالا يا مجانص عندي خطة مدمرة لا تحتمل التأجيل
مجانص : الحقنى يا استاذ طبق انا بتشوي انا في نار هنا وجوايا حتة لحمة حمرا حرام ياناااااس بتعذبوني انا واللى في حلتي
يا أشرار يا ذوي القلوب المتحجرة
أجمعهم انت يا عم طبق انا مش قادر خالص 😂 سبني باللي انا فيه يا جدع عمال بتقول خطة خطة يا طبق فالصو بقالك سنتين ولسه لحد دلوقتي ماشوفناش منك لا خطط ولا دياولو 😂😂 يا شيخ اتلهي 😂😄
