و فجاة الخضار بقى متهم!.. الفاكهة بقت مرعبة! البقوليات بقت مصيبة! ..الألياف بقت عدو!
وفي نفس الوقت: بطاطس مقلية في زيت مش نضيف؟ عادي.
عصير معلب مليان سكر؟ عادي انما نفس الفاكهة حرام.
جبن مصنع؟ عادي انما جبن طبيعى 100% حرام.
نو ت يلا طالعة من قلب المصنع؟ عادي.
حتى لو الحاجات دى بتدخلها قليل فا هى فى الاول والاخر غلط
يعنى بزمتك قارن معايا معلقة سطلة قدام معلقة نوت يلا . ده اتقال علية اكل بهائم و العياذ بالله و النوت يلا اكل بشر
سبحان مقلب القلوب والعقول!
بقى أكل ربنا الطبيعي اللي خارج من الأرض… يتقال عليه أكل وحش. وأكل المصنع بقى هو اللي يليق بالبشر. بقينا نعيب في رزق الخالق… ونطمن لاختراعات المخلوق.
⛔كلامهم كله يبان فى الأول علمي بس هو في الحقيقة 5% معلومة صح و 95% غلط و هبد كالعادة.
بيقولك اوعى تاكل سلطة خضرا نية … عشان الإنسان معندوش إنزيم السليوليز، فالخضار مش هيتهضم وهيقعد يعفن في قولونك! انما النوت يلا عادى عشان بنعرف نهضمها ك بشر
عشان كدة الخضار أكل بهائم فقط والعياذ بالله
✅آه، الإنسان فعلا معندوش إنزيم Cellulase يهضم السليلوز زي بعض الكائنات التانية.
بس السؤال بقى: هو أي حاجة جسمك ما يهضمهاش بالكامل تبقى مصيبة؟
طب ما خبز الحبة الكاملة نفسه فيه ألياف غير ذائبة، ومن ضمنها سليلوز موجود في نخالة الحبوب.
✅بل بالأرقام: كل 100 جرام من خبز القمح الكامل فيهم تقريبا 6 جرام ألياف، بينما 100 جرام خيار فيهم حوالي 0.7 جرام ألياف.
يعني العيش الحبة الكاملة ممكن يبقى فيه حوالي 8-9 أضعاف ألياف الخيار.
يقوموا يتحرجوا يجوا من مخرج تانى اصل الخضار مرشوش! قولهم ما انتم بتاكلوا نفس البطاطس اللى بتتشرش برضة ولا هو حلال للبطاطس و حرام للخضار و نعمة ربنا الكريم اللى بتقوله علية أكل بهائم والعياذ بالله
ميلاقوش رد فا يجوا يقولوا أصل القولون ارتاح !
ترد ان النظام مسروق و ان أى طالب صغير درس تغذية عرف ان ولو اى حد عندة قولون عصبي أو انتفاخ شديد ساعتها العلم قال حمية الفودماب (Low FODMAP Diet) تحت اشراف اخصائى تغذية فقط و ده قائم على الاستبعاد يعنى اه ممكن يتمنع البصل و التوم مش عشان هما وحشين ولكن عشان الشخص نفسة تعبان بس مش هنعمم ونقول كل الناس متاكلش بصل و توم.
و لما ميلاقوش مخرج خالص يبدأو يشتموا بألفاظ و العياذ بالله تبين قد اية اخلاقهم و التربية و طبعا جبناء ك العادة من وراء شاشة موبايل فا ده مديهم قوة الشتيمة.
تذكر ان كنت مسلم قول ربك الكريم : مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ
و تذكر قوله تعالى : ﴿يَا أَيُّهَا النَّاسُ كُلُوا مِمَّا فِي الْأَرْضِ حَلَالًا طَيِّبًا وَلَا تَتَّبِعُوا خُطُوَاتِ الشَّيْطَانِ ۚ إِنَّهُ لَكُمْ عَدُوٌّ مُّبِينٌ ﴾
